Selamat Merayakan Jumat Agung Dan Menyongsong Paskah Bagi Semua Umat Kristiani

 

(Syair Bahasa Rote Ndao, Oleh : Heldi Lau)

Ima hita koa neu lain ma koa neu manlemba do kio neo mansoi, lemba nala hita sala nala ma doi nala hita singgo nala, ala londa nggagge sia lelete golgota, la lilo na titi ma ao sisi nambalutu, hu na hita sala falu nala ma hita singgo sio nala. Fai iya Lamatua Ana sanggu nala sain, boe ma Ana lulik nala liun, Hu na Hita sala falun nala, do singgo sio nala, De nao saik ala babaluan, Do siti saik ala sisi, ma bina liluk ala hala doi, de lea Nendi LamatuaMa nole nendi Lamatua, au hule neu basa hita sanggu tala dai la'e, ma lulik tala sela sue, hu na pinu idu ala moli ma lu mata ala dadi, Tehu ita afi teu sisi do ona teu hala doi, fai ka telu na Lamatua fela fali, lama tua na tudu aon, fai ka ha nulu na Lamatua hene neu sia nusa soda do inggu mole, neu tema sion do bate falun, dula dale konda mai dula dale le'u tein au hule neu basa hita hata holi mama hele ala sia lae fafo ia : ima hita sale dale ala dai fai, ma tu'e tei ala dai ledo, fo simbo nala hita hala doi nala ma doi nala hita kulu don nala, ima hita koa neu lain ma koa neu lain papa bo'i e hai mo'e makasi nae-nae neu.